14.02.2019

«Мектеп асханалары» партиялық жобасы аясында қалалық ведомствоаралық сараптама тобының жұмысы жалғасуда.

А.ж.13 ақпанында ВСТ мүшелері мен партиялық бақылау комиссиясы және сыбайлас жемқорлыққа қарсы іс-қимыл жөніндегі Қоғамдық кеңес төрағалары Павлодар қаласының №9, №15, №22, №13 мектеп асханаларының мониторингін жүргізді. Мониторинг барысында ВСТ […]

11.02.2019

МЕЙІРІМДІ КӨМЕК

2018 жылдың желтоқсан айында депутаттар  Г.М.Акопян, А.Г.Дяк, Г.Ш.Кайдарова, М.А.Желнов, И.В.Веретнов, Р.Т.Нұрсеитов, Қ.Н.Кожин, Б.А.Аманжолов, Н.Қ.Әубәкіров, В.П. Пряхин, А.А. Оспанов  арнайы әлеуметтік қызмет көрсету мақсатында психоневрологиялық патологиясы бар адамдарға ғимарат сатып алуға […]

08.02.2019

ПАВЛОДАР ҚАЛАСЫНЫҢ ТЖБ-МЕН БІРЛЕСКЕН ТЕКСЕРУЛЕР

А.ж. қалалық мәслихат депутаты М.Қ.Айтышев Павлодар қаласының ТЖБ жұмыс тобының құрамында Сарыарқа шағын ауданының көп пәтерлі тұрғын үйлеріндегі газ баллондарын анықтау бойынша тексеріске қатысты. Газ баллондарын заңсыз қолдану фактілерін болдырмау […]

08.02.2019

Қала әкімінің халықпен есептік кездесуі

А.ж. 8 ақпанда Естай атындағы мәдениет сарайында қала әкімі Әнуар Күмпекеевтің халыққа есеп беру кездесуі өтті.Іс- шараға Павлодар облысының әкімі Б.Бақауов, Қазақстан Республикасы Президенті Әкімшілігінің мемлекеттік қадағалаушысы Б.Есполов,қалалық мәслихат депутаттары. […]

04.02.2019

Павлодар қалалық мәслихатының 48-кезектен тыс сессиясы

А.ж. 4 ақпанда Павлодар қалалық мәслихатының 48- кезектен тыс сессиясы өтті, мұнда осындай мәселелер қарастырылды: Павлодар қалалық қоғамдық кеңесінің құрамын бекіту туралы.          Қазақстан Республикасының  2015 жылғы 2 қарашадағы  «Қоғамдық […]



18.02.2019

Кадрлық ауыс-түйістер

Павлодар облысы әкімінің орынбасарлары ауысты. Инвестициялар, өнеркәсіп және кәсіпкерлік мәселелері бойынша облыс әкімінің орынбасары болып Қайрат Нүкенов тағайындалды. Аймақ басшысының ауыл шаруашылығы мәселелері бойынша орынбасары болып Рүстем Құрманов тағайындалды. Болат Бақауов жаңа орынбасарларды облыстық әкімдікте өткен жиналыста таныстырды. Ол өзінің бұрынғы орынбасарлары – Жайық Шарабасов пен Дәурен Мақажанов – басқа жұмысқа ауысқаны туралы хабарлады. Аймақ басшысы оларға бірлескен жұмыстары үшін алғыс айтып, жаңа қызметтеріне табыс тіледі. Ендігі жерде Павлодар облысының инвестициялар, өнеркәсіп және кәсіпкерлік мәселелерін Қайрат Нүкенов бақылайды. Ол бұған дейін Түркістан облысы әкімінің бірінші орынбасары, Екібастұз және Ақсу қалаларының әкімі болған еді. – Мемлекет басшысының бізге жүктеген басты міндеттерінің бірі –  кәсіпкерлікті қолдау болып табылады, – деді облыс әкімі Қайрат Нүкеновке. – Сіз қалалар мен аудандардың әкімдерімен инвестициялар тарту бойынша тығыз әрекеттесіп, ірі кәсіпорындармен жұмысты белсендіруіңіз қажет.    Аймақтың агроөнеркәсіп кешені саласын бұған дейін «ҚазАгро» Ұлттық бабсқару холдингінің басшысы болған Рүстем Құрманов басқарады.   – Бірінші кезекте Сіз ауыл шаруашылығына инвестиция тартумен айналысуыңыз қажет, – деді оған Болат Бақауов. – Биылғы жылы бізде бірнеше ірі жоба жоспарланған. Олар: суармалы егістік алқаптарын ұлғайту, қызылша өңдейтін зауыттың құрылысы және тағы басқалары. Сонымен бірге, ауыл шаруашылығы өнімдерін қайта өңдеуді арттыруға және экспорт көлемін ұлғайтуға назар аудару қажет. Сообщение Кадрлық ауыс-түйістер появились сначала на РЕСМИ САЙТЫ.
15.02.2019

Павлодар облысы Қазақстанның ЕАЭО елдеріне жасайтын экспорты бойынша үздіктер қатарына енді  

Өңірдің экспорттық тасымалы 1,7 есе, шикізаттық емес экспорттың көлемі 2,5 есе өсті. Бұл туралы Павлодар облысының әкімі аймақ тұрғындарымен есептік кездесуінде айтты. Аймақ басшысы атап өткендей, 2018 жылы облыста экспорттық тауарлар тізбесі біршама кеңейді. Экспорттық тауарлардың қатарына қоспалы алюминий, алюминийден жасалған автомобиль дискілері, жаңа құрылыс материалдары бар.   – Біздің облыс еліміздің өңдеу өнеркәсібі бойынша үздік үштіктің қатарында келеді, – деді аймақ басшысы. – Өңдеу секторына құйылған инвестициялардың көлемі бойынша біз республикада екінші орында тұрмыз. Осы саладағы өсім 6 пайызды құрады.  Соңғы екі жылда ЖӨӨ-гі өңдеу саласының көлемін 29%-дан 31,3%-ға дейін өсті. Қазіргі кезде өңдеу секторы өнеркәсіптік өндірістің жалпы көлемінің 64%-ын құрайды. Өңірде инвестицияларды тартуға көп көңіл бөлінеді. Өткен жылы негізгі капиталға құйылған инвестициялар көлемі 473 миллиард теңгені құрады, ал, соңғы үш жылдың ішінде бұл көрсеткіш 1,4 триллион теңгеге жуықтады. – Осы инвестициялардың 100 миллиард теңгеге жуығы шағын және орта бизнес үлесіне тиесілі екендігі қуантады, – деді Болат Бақауов. – Кәсіпкерлік секторда 44 мыңға жуық субъект қызмет етеді. Олар 131 мың адамды немесе облыстың экономикалық белсенді тұрғындарының 32 пайызын жұмыспен қамтамасыз етіп отыр. Бұл сектордағы салықтық түсімдердің көлемі 63 миллиард теңгені құрайды. Аймақ басшысы осы жылы «Инвестор үйі» ашылатынын айтты. Мұнда Оңтүстік Корея, Жапония және Грузияның тәжірибесі бойынша әрбір инвестор «бір терезе» қағидасымен өз жобасына қатысты қызметтердің барлық түрін алады. – Осы жылы жаңа «Достық» шағын ауданының құрылысы басталады, – деді облыс әкімі. – Жаңа құрылыс алаңында 470 мың шаршы метр немесе 7,5 мың пәтер салынады деп жоспарланып отыр. Әр отбасы үшін  «7-20-25» ипотекалық бағдарламасы бойынша тұрғын үй сатып алу мүмкіндігі қарастырылған. Қазіргі кезде бұл бағдарлама бойынша 70 несие берілді. Банктерде қосымша 155 өтінім қаралып жатыр. Өткен жылдан бастап медицина қызметкерлеріне 1 миллион теңгенің «тұрғын үй сертификаттары» беріле бастады. Қазіргі кезде 12 дәрігер жаңа тұрғын үйге ие болды. Тағы 8 дәрігер несие бойынша банктің шешімін күтіп отыр. Есептік кездесудің соңында Болат Бақауов жергілікті басшылар халықтың проблемасын біліп қана қоймай, оларды шешу керек екендігін атап өтті. Аймақ басшысының айтуы бойынша мемлекеттік органдардың жұмысының нақты нәтижесі болған жағдайда ғана билік органдары халықтың сеніміне ие болады. Сообщение Павлодар облысы Қазақстанның ЕАЭО елдеріне жасайтын экспорты бойынша үздіктер қатарына енді   появились сначала на РЕСМИ САЙТЫ.
15.02.2019

Ашық сұхбат

Павлодар облысының әкімі Болат Бақауов көп балалы аналармен кездесті. «Нұр Отан» партиясының облыстық филиалында өткен кездесуге үш жүзге жуық адам қатысты. Екі жарым сағатқа созылған сұхбат барысында тұрғын үймен қамтамасыз ету, көп балалы отбасыларды әлеуметтік қолдау мәселелері сөз болды.  Аймақ басшысы әрбір көп балалы отбасының әлеуметтік төлқұжаты құрастылатынын айтты. Сонымен бірге, ол әр көп балалы отбасыға депутаттар, кәсіпкерлер, шаруа қожалықтарының басшыларының арасынан демеушілер тағайындауды ұсынды. Сондай-ақ, көп балалы отбасылардың мәселелерін шешу бойынша комиссия құрылып, оның құрамына көп балалы аналар да енгізіледі. Кездесуге келгендердің көпшілігі бүкіл отбасымен келді. – Әрине, Сіз заңды өзгерте алмайтыныңызды жақсы түсінеміз, – деді төрт баланы жалғыз тәрбиелеп отырған Динара Салықова. – Біз билік органдары халықтың мұң-мұқтажын білсін деп келдік. Көп балалы отбасыларды толғандыратын басты мәселе – жәрдемақының көлемі. – Төрт балаға мен ай сайын 10 500 теңге аламын, – деді ол. – Бала бақшалар балдырғандарды тек үш жастан ғана қабылдайды, ал, балаға берілетін жәрдемақы тек бір жасқа дейін ғана төленеді. Бұл дұрыс емес!   Облыс әкімі Динара Салықоваға осы мәселе бойынша құрылатын бастамашыл топтың құрамына қосылып, штаттан тыс кеңесші болуды ұсынды.    – Сіз көп балалы аналардың атынан сөйлеп тұрсыз ғой. Сондықтан Сізге менің штаттан тыс кеңесшім болып, бастамашыл топтың құрамына кіруді ұсынамын, – деді Болат Бақауов. Аймақ басшысы өзі де көп балалы отбасында дүниеге келіп, қазіргі кезде бес бала тәрбиелеп отырғанын айтты.   – Бала кезімнен еңбекке баулып өсірген ата-анама алғысым шексіз, – деді Болат Бақауов. – Көп балалы отбасылардың қиындықтары маған жақсы таныс. Біз облыстың қалалары мен аудандарында зерттеу жүргізіп, әлеуметтік жағдайы төмен отбасыларды анықтауды бастадық.   Аймақ басшысының айтуынша, мұндай отбасыларды тұрғын үй, әлеуметтік төлемдердің көлемін арттыру, тегін дәрі-дәрмекпен қамтамасыз ету, бала бақшаға орналасу, қоғамдық көліктегі жеңілдіктер мәселесі толғандырады. Облыс әкімі өңірдегі әрбір көп балалы, аз қамтылған отбасы назардан тыс қалмайды деп сендірді. Салалық әлеуметтік қорғау басқармасының мәліметі бойынша облыста 8625 көп балалы отбасы бар. Олардың ішінде 3839 отбасы төрт және одан да көп кәмелетке толмаған бала тәрбиелеп отыр. Өңірдегі әлеуметтік осал топтардың отбасыларында тәрбиелентін он үш мың бала тегін ыстық тамақпен қамтамасыз етілген. «Мектепке жол» акциясы бойынша осы оқу жылында он жеті мың балаға 150,8 мың теңгеге көмек көрсетілді. Бұл соманың 63,5 миллион теңгесі бюджеттен тыс қаражат. «Қамқорлық» акциясы бойынша жыл басынан бері 8738 балаға 77 млн. теңгенің көмегі көрсетілді, бұл соманың 27,2 миллион теңгесі бюджеттен тыс қаражат.   Аймақ басшысы атап өткендей әлеуметтік осал отбасыдан шыққан студент жастар да назардан тыс қалмайды. Оларға тегін ыстық тамақ, 4 АЕК көлеміндегі жолақының өтемі, жатақханаларда тегін тұру, қоғамдық көліктегі 50 пайыз жеңілдік секілді қолдау шаралары қарастырылған. Сонымен бірге, оларға жұмысқа орналасу, оқуға түсу және тегін медициналық көмек алу бойынша да қолдау көрсетіледі. Әлеуметтік осал топтың отбасыларының проблемалары жергілікті әрі үкіметтік деңгейде шешілетін болады. Аймақ басшысының орынбасары мұндай кездесулерді тоқсан сайын, ал, облыс әкімі жарты жылда бір рет өткізіп отырады. Сообщение Ашық сұхбат появились сначала на РЕСМИ САЙТЫ.
14.02.2019

Жастармен бір толқында

Павлодар облысының әкімі өңір жастарымен кездесті. Жастар жылының ашылуына арналған облыстық форум Ақсу қаласындағы Иманжүсіп Құтпанов атындағы спорт кешенінде өтті.  Кездесуге облыстың белсенді жастарымен қатар Астана қаласынан келген қонақтар – қоғам қайраткері Нұрлан Өтешев, блогер Ринат Балғабаев және тағы басқалар шақырылды. Форум қатысушыларына арналған сөзінде Болат Бақауов жас кәсіпкерлерге көрсетілетін қолдауға тоқталып өтті.   — Өз кәсібін жаңа бастаған кәсіпкерлер үшін біз жеке қолдау құралдарын әзірледік, — деді ол. — «Бастау Бизнес» жобасының аясында біз 353 жас азаматқа кәсіпкерліктің негіздерін оқыттық. Жастар бастамаларын дамыту орталығының базасында жаңа «Бизнес Young» жобасын іске қосатын боламыз. Жас кәсіпкерлер мен олардың жобаларына қолдау көрсететін инвесторлар мен демеушілерді іздеу үшін арнайы деректер базасы құрастырылды.   Жас бизнесмендерді қолдау туралы республикалық деңгейде де ойластырылып жатыр. Қоғамдық даму министрлігінің Жастар және отбасы мәселелері жөніндегі комитеті төрағасының м.а. Асхат Ораловтың айтуы бойынша Астанада үш жылдық жоба құрастырылып, әр жыл сайын 29 жасқа дейінгі бастаушы кәсіпкерлерге сомасы жарты миллион теңгені құрайтын 10 мың грант берілетін болады. — Егер жас маман токарь немесе дәнекерлеуші болса, оған тегін кәсіби-техникалық білім алуға жағдай жасалып, бизнес жоспар құрастыруға және 500 мың теңгенің қайтарымсыз грантын алуға көмек көрсетіледі, — деді ол. – Өз кәсібін кеңейткісі келетін жас кәсіпкерлер үшін нәтижелі жұмыспен қамту және жаппай кәсіпкерлікті дамыту бағдарламасының шеңберінде үш жыл бойы әр жыл сайын жалпы сомасы 18 миллион теңгені құрайтын 5 мыңға жуық несие беріледі. Форумда 23 жасар шаруа қожалығының басшысы Олесия Щербак, «Ертіс» футбол клубының қорғаушысы Руслан Есімов, кәсіпкер Александр Гаглоев, волонтер Аяжан Құрманова, жас ұстаз Алена Шевченко және басқалар сөз сөйледі. Айта кету керек, жиын соңында Павлодар облысының әкімі жастардың Instagram әлеуметтік желісінде аккаунт құру туралы ұсыныстарын қабыл алып, кездесу қорытындысы бойынша алғашқы жазбасын орналастырғанын айтты.   Сообщение Жастармен бір толқында появились сначала на РЕСМИ САЙТЫ.
13.02.2019

Павлодар облысының екі ведомствосында кадрлық ауыс-түйіс орын алды

Облыстық жолаушылар тасымалы және автомобиль жолдары басқармасын Рүстем Раисов, ал,  өңірлік статистика басқармасын Жеңіс Шақатов басқаратын болды. Ведостволардың жаңа басшыларын Павлодар облысының әкімі Болат Бақауов таныстырды. Жолаушылар тасымалы және автомобиль жолдары басқармасының басшысы болып бұған дейін құрылыс басқармасын басқарған Рүстем Раисов тағайындалды. – Бүгінде біз жолдардың жөнделуі мен олардың сақталуына көбірек көңіл бөлеміз, – деді аймақ басшысы. – Бізге қалалар мен аудандарды дамыту жоспарларын құрастыру мен бекітуді тікелей жүргізіп, тұрақты түрде жөндеуге ұсынылатын жолдарға талдау жасап, құрылысы бойынша мердігердің жұмысына және жалпы қолданыстағы жолдардың сақталуына бақылауды күшейту керек. Павлодар облысының статистика департаментінің басшылығына Жеңіс Шақатов тағайындалды. Ол кезінде салық органдарында, Павлодар және Екібастұз қалаларының әкімдерінің орынбасары қызметін атқарған. Соңғы жұмыс орны – облыстық қаржы басқармасы басшысының орынбасары. – Барлық статистикалық деректер өзекті болуы тиіс, – деді облыс әкімі. – Жұмыс істемейтін және нөлдік көрсеткішпен есеп беретін кәсіпорындарға мониторинг жүргізу керек. Сонымен қатар, Болат Бақауов жуырда өңірлік қорғаныс департаментінің басшысы болып тағайындалған Сергей Кузнецовты таныстырды. Павлодар облысына жұмысқа келерден бұрын ол Қостанай облысының қорғаныс істері басқармасының басшысы болған. Сообщение Павлодар облысының екі ведомствосында кадрлық ауыс-түйіс орын алды появились сначала на РЕСМИ САЙТЫ.
12.02.2019

Павлодар – инвесторларды тарту орталығы

Облыс орталығы инвесторларды тарту орталығына айналуы тиіс. Мұндай тапсырманы 2018 жыл қортындылары бойынша есеп берген қала басшысы Ануар Күмпекеевке Палодар облысының әкімі берді. Өз сөзінде қала әкімі айтып өткендей, қаланың өндірістік кәсіпорындары шығарған өндірістік өнімдер мөлшері 5,2%-ға өсті, яғни 774 миллиард теңгеге өнім шығарылды. Металлургиялық өндіріс, химиялық өндіріс, машина жасау және мұнай өңдеу салаларындағы өндіріс көлемінің өсуі қамтамасыз етілді. – Аграрлық сектор мен қайта өңдеу саласындағы азық-түлік айналымын қамтамасыз ету мақсатында 2018 жылы жалпы сомасы 3,3 миллиард теңгеден асатын инвестициялық жобалар жүзеге асырылды, бұл жаңа 150 жұмыс орынының пайда болуына әкелді, – деп мәлімдеді қала әкімі. – Жалпы сомасы 5 миллиард теңгені құрайтын тағы 12 жоба жүзеге асырылу үстінде. Оның нәтижесінде жаңа 290 жұмыс орны пайда болады. Жалпы алғанда, жұмыс істеп жатқан кәсіпорындардың өндірген өнімдерінің көлемі өткен жылы 5,9%-ға, яғни 43 миллион теңгеге өсті. Қала әкімінің жұмысына баға бере отырып Болат Бақауов жергілікті биліктің ең басты мақсаты Павлодар мен ауылдық жерлердің инвестициялық тартымдылығын арттыру екенін естеріне сала кетті. – Шағын және орта бизнесті дамытудың мүмкіндіктері өте көп, – деді аймақ басшысы. – Бүгін біз бизнесменнің туындаған проблемаларын шешу жолдарын табуға тырысуымыз керек. Шағын және орта бизнесті дамыту саласында жұмыс істейтін субъектілердің көбеюімен қатар, өткен жылмен салыстырғанда ШОБ өнімдерін шығару көлемінің 9,2%-ға азайғандығы байқалуда. Әлі күнге дейін банкроттықты бастан кешіп жүрген немесе банкрот болар алдындағы жағдайдағы несиелік қарыздары бар жұмыс істемейтін бизнес субъектілері бар. Тексеріс Облыс әкімінің  айтуынша, жақында ашылған «Open Pavlodar» орталығы тек билік пен халық арасындағы қатынасты ғана емес, сонымен қатар билік пен кәсіпкерлер арасындағы қарым-қатынас орнатуда көмектесуі керек. Суретті түсірген – Валерий Бугаев Сообщение Павлодар – инвесторларды тарту орталығы появились сначала на РЕСМИ САЙТЫ.