18.03.2020

Қаланың әлеуметтік сауда нүктелеріндегі бағаның мониторингісі

А.ж. 17 наурызда қалалық мәслихат депутаты С.С. Богатырев  «Nur Otan» ПҚФ және кәсіпкерлік бөлімімен бірге Павлодар қаласының әлеуметтік сауда орталықтарына бағалардың мониторингісін жүргізді. «Лидер», «Арзандау», «Караван» дүкендерінде болды. Бару аясында […]

16.03.2020

ҚОҒАМДЫҚ КӨЛІКТІ ДЕЗИНФЕКЦИЯЛАУ БОЙЫНША ҚАБЫЛДАНЫП ЖАТҚАН ШАРАЛАРЫ ТУРАЛЫ

А.ж. 16 наурызда қалалық мәслихат депутаттары В.Пряхин, С.Богатырев «Nur Otan» ПҚФ-мен біріккен «№1 Автобус паркі» ЖШС-не қоғамдық көлікті дезинфекциялау шаралары бойынша шығу отырысын өткізді. Шығу барысында, депутаттар автобус паркінің басшысы […]

14.03.2020

Жасыл көшеттерді қорғау бойынша жұмыс тобының отырысы

А.ж. 13 наурызда жасыл көшеттерді қорғау бойынша жұмыс тобының отырысы аясында Павлодар қаласының «Жасыл аймақ» құру бойынша мәселесі қарастырылды. Жұмыс тобының мүшелерімен өтемдік ағаштарды отырғызу, қаланың орамішілік аумағында отырғызу үшін […]

13.03.2020

«Сарыарқа» және «Достық» шағын аудандарына көшпелі отырыс

А.ж. 13 наурызда қалалық мәслихат депутаттары, қала құрылысы және экология жөніндегі тұрақты комиссия мүшелері «Nur Otan» ПҚФ-мен және қаланың құрылыс бөлімімен бірлесіп «Сарыарқа» және «Достық» шағын аудандарына көшпелі отырыс өткізді. […]

06.03.2020

Мерекемен құттықтау!

8 наурыз Халықаралық әйелдер  мерекесін тойлау қарсаңында қалалық мәслихат депутаттары өз сайлау округінде ардагерлер кеңесінің әйелдерін құттықтады. Бұл күні еңбек ардагерлері, ардагерлер кеңесінің мүшелері депутаттардан гүлдер мен сыйлықтарды алады.  



27.03.2020

Нұрлан Дүйсенбинов Павлодар облысы әкімінің аппарат басшысы қызметіне тағайындалды

Бұған дейін Нұрлан Шайхсләмұлы Дүйсенбинов өңірлік қаржы басқармасына жетекшілік еткен. Павлодар облысы әкімі Әбілқайыр Сқақов аппарат басшысын таныстырып, оның мемлекеттік қызметтегі тәжірибесін атап өтті, сондай-ақ жемісті қызмет етуін тіледі. – Қоғамда өзгерістерге деген үлкен сұраныс бар , – деді Әбілқайыр Сқақов. – Және біз өзімізден, осы аппараттан бастауымыз керек. Халықпен байланыс жүйесін ретке келтіруіміз керек. Азаматтардың арыз-шағымдарын қарастыруға да үлкен назар бөлген жөн, бұл мәселеде формализмге жол берілмеуі керек. Бұдан бөлек, әкім аппаратының трансформациясы бойынша ұсыныстарды күтемін, себебі бүгіні жағдайда бұрынғыдай жұмыс істеуге болмайды.  Аппарат басшысы қызметінен босаған Ағыбай Әмірин Павлодар облысы әкімінің аппараты құрылымда жұмыс істейтін болады. Әбілқайыр Сқақов оған атқарған жұмысы үшін алғыс айтып, құрмет грамотасымен марапаттады. Нұрлан Шайхсләмұлы Дүйсенбинов 1973 жылы Павлодарда өмірге келген. 1994 жылы Қарағанды коорператив университетін, ал 2003 жылы Қазтұтынуодағы Қарағанды экономикалық университетін тәмәмдаған. Экономист пен юрист квалификациясы бар. Облыс әкімі аппаратының басшысы еңбек жолын 1994 жылы «Игілікбанктың» Павлодар филиалында бастаған. 1997 жылы Павлодар қаласы Ильичев ауданының Салық комитетіне ауысады, ал 1998 бен 2003 жылдар аралығында Павлодар қаласы салық комитетінде түрлі дәрежеде қызмет атқарған. Кейіннен Павлодар облысы Салық комитеті бөлімінің басшысы қызметіне тағайындалады. 2005 жылы Павлодар қаласы Салық комитеті төрағасының орынбасары, ал 2014-2016 жылдары Павлодар облысы бойынша тексеру комисиясының төрағасы болған. 2016 жылдан 2017 жылға дейін Нұрлан Дүйсенбинов Ақсу қаласы әкімі болған. 2017 жылдың қарашасында облыстық қаржы басқармасының басшысы қызметінде жаңа тағайындалуына дейін жұмыс істеген. Сообщение Нұрлан Дүйсенбинов Павлодар облысы әкімінің аппарат басшысы қызметіне тағайындалды появились сначала на РЕСМИ САЙТЫ.
21.03.2020

Облыс әкімі Баянауыл ауданының су басу қаупі бар жерлерін аралап ұшып шықты

Павлодар облысының әкімі өзінің бірінші орынбасары Сұңғат Есімхановпен және ТЖ департаментінің бастығы Ернұр Өтегеновпен бірге су тасқыны қаупі барынша жоғары аумақтарды қарап шығып, екі өңір шекарасында төтенше жағдайлар туындаған жағдайда бірлескен іс-қимылдарды талқылау үшін Қарағанды облысының басшылығымен кездесті. Баянауыл ауданының әкімі Қанат Кәрімов Сәтбаев, Мұса Шорманов, Көкдонбақ және Жаңажол ауылдарындағы ахуал жайында хабарлады. Осы және басқа елді мекендерден қар шығару жұмыстары күшейтілген тәртіпте жүргізілуде. Барлық су өткізу құбырлары тазартылды. Су деңгейін үздіксіз өлшеу тұру үшін бес гидробекет орнатылды. ТЖ жағдайына 14 мың дана қап, 500 тонна инертті материал және 10 тонна жанар-жағар май дайындалды. Бүгін Төтенше жағдайлар департаментінің жедел тобы шұғыл әрекет ету үшін ауданда орналасқан. Павлодар облысының әкімі Қалқаман-Баянауыл-Үміткер–Ульяновский республикалық маңызы бар жолдың 101 және 105 шақырымында болып қайтты. Мұндағы жағдай туралы «ҚазАвтоЖол «ҰК» АҚ облыстық филиалының директоры Ақылбек Қабылдин баяндады. Бұл жерде сондай-ақ төтенше жағдай кезінде су тасқынын оқшаулаудың нақты жоспары бар. Әбілқайыр Сқақов атап өткендей, бұл учаскелердің проблемасы жүйелі шешімді қажет етеді. Республикалық бюджеттен кезең-кезеңмен қаражат бөлу басталды: осы учаскедегі жол деңгейі көтеріліп, көпір салынады деп жоспарлануда. Сондай-ақ Әбілқайыр Сқақов Ащысу өзенінің ағысын көріп, «Ақжар» бөгеті ауданында Қарағанды облысының әкімі Жеңіс Қасымбекпен кездесу өткізді. Олар екі облыс шекарасындағы су тасқыны кезеңінде өзара іс-қимыл және бірлесіп әрекет ету мәселелерін талқылады. Жалпы алғанда, Павлодар облысының әкімі айтып өткендей, жағдай жіті бақылауда. Су тасқыны қаупі бар аймақтарда ТЖ қызметтері және басқалары да сақадай сай. Биылғы жылы топырақтың қату деңгейі судың жылдам сіңуіне ықпал етеді және қазіргі ауа райы қиын жағдайларға ұшыратпайды. Егер бір апта бойы осындай ауа райы сақталса, мамандар еш қиындыққа тап болмаймыз деген болжамда. Сообщение Облыс әкімі Баянауыл ауданының су басу қаупі бар жерлерін аралап ұшып шықты появились сначала на РЕСМИ САЙТЫ.
21.03.2020

Асаин Байханов Павлодар облысы әкімінің орынбасары қызметіне тағайындалды

Өңір басшысының жаңа орынбасары агроөнеркәсіп кешені, жер қатынастары, су ресурстары мен азық-түлік бағалары мәселелеріне үшін жауап береді. Павлодар облысы әкімі Әбілқайыр Сқақов жаңа орынбасарды таныстырып, Асаин Байхановтың басқарушылық тәжірибесін атап өтті. Сондай-ақ, Әбілқайыр Сқақов жаңа орынбасардың жұмысына сәттілік тіледі. Ал бұған дейін бұл қызметті атқарған Алмас Батановқа  атқарған жұмысы үшін алғыс айтып, құрмет грамотасын сыйлады. Асаин Қуандықұлы Байханов Павлодар облысы Баянауыл ауданында өмірге келген. Жасы 42-де. 2000 жылы Павлодар университетін «Экономика және менеджмент» мамандығы бойынша тәмамдаған. 2005-2006 жылдары European Bank for Reconstruction and Development (EBRD) және «ProCredit Holding AG» неміс халықаралық банк холдингінің Корпоративтік квалификация арттыру Орталығында білімін жетілдірген. 2017 жылы М.В. Ломоносов ат. Мәскеу мемлекеттік университетінде «Стратегиялық менеджмент және кәсіпкерлік» бойынша МВА дәрежесін алды. Еңбек жолын 2000 жылы банк секторында Еуропа қайта құру және даму банкінің (EBRD) офисі Қазақстанда жүзеге асырған Қазақстанның шағын бизнесі бағдарламасы бойынша бастаған. Асаин Байханов Екібастұз қаласындағы кредит сарапшысы ретінді тағылымдамадан бастап, EBRD Бағдарламасының Алматы қаласындағы бас офисінің жаңа банк продуктілерін енгізу бөлімінің басшысына дейін қызмет атқарды. Осы аралықта Еуропа қайта құру және даму банкінің Қазақстанда және шетелде ұйымдастырылған түрлі оқыту семинарлары мен көпдеңгейлі білім беру бағдарламаларынан өткен. 2003 жылдан 2007 жылға дейін «ProCredit Holding AG» неміс халықаралық банк холдингінде бірқатар басшылық лауазымдарында қызмет атқарған. Киев қаласындағы «ПроКредит Украина» ЖАО-ның атқарушы директоры болған. 2007 жылы А. Байханов Қазақстанға «Нұрбанк» АҚ Басқарма басшысы орынбасары қызметіне оралып, банктің филиалдық желісін кеңейту, аграрлы сала мен шағын және орта бизнесті несиелеу бағыттары бойынша жұмыс жасаған. 2009-2015 жалдар аралығында жеке секторға ауысып, ауылшаруашылығы саласында кәсіпкерлікпен айналысқан. Мал шаруашылығы, өсімдік шаруашылығы, Алматы және Алматы облысында логистика мен жүк тасымалы бойынша бірқатар нәтижелі бизнес-жобаларды іске асырған. 2015 жылдан бүгінгі тағайындалуына дейін «КазАгро» Ұлттық басқарма холдингі» АҚ тобындағы «КазАгроӨнім» АҚ квазимемлекеттік компаниясының Басқарма басшысының орынбасары болған. Бұл аралықта ауылшаруышылығындағы түрлі мемлекеттік бағдарламаларды өзгерту және ауылшаруашылығы өнімдерін экспорттау бойынша мақсатты индикаторларға қол жеткізу бойынша жұмыс топтарында жұмыс істеп, оларды басқарған. Үйленген. Төрт баланың әкесі. Сообщение Асаин Байханов Павлодар облысы әкімінің орынбасары қызметіне тағайындалды появились сначала на РЕСМИ САЙТЫ.
20.03.2020

Павлодар облысы бюджетінің шығындары 3,6 миллиард теңгеге оңтайландырылды

Оңтайландырудың арқасында өңірлік тұрақтандыру қоры халыққа қажетті азық-түлік сатып алу үшін 1 миллиард теңгеге толықтырылады. Бюджетке өзгерістер Павлодар облысының әкімі Әбілқайыр Сқақовтың қатысуымен өткен облыстық мәслихат сессиясында бекітілді. Төтенше жағдай режимінің қолданылуына және өңір экономикасында қалыптасқан жағдайға байланысты өнімсіз шығындардан бас тартып, кейбір жобаларды іске асыруды келесі жылға қалдыру жөнінде  шешім қабылданды. – Жоспарланған оңтайландыру көлемі 3,6 миллиард теңгені құрады, – деп мәлімдеді экономика және бюджеттік жоспарлау басқармасының басшысы Мақсат Тұрлыбаев. – Бюджет комиссиясының шешімі бойынша босаған қаражат және қосымша қаржыландыру көздері бірнеше міндетті ұйымдастыруға жұмсалатын болады. Біріншісі-халықты азық-түлікпен қамтамасыз ету және бағаның өсуіне жол бермеу бойынша тұрақтандыру қорын толықтыру бойынша шаралар қабылданды. 10 өнім түрін сатып алу жоспарлануда: ұн, күріш, қант, күнбағыс майы, көкөніс және т.б. Бұл мақсатқа бюджеттен 1 миллиард теңге бөлінеді. Сондай-ақ бюджет есебінен облыстық маңызы бар төрт мектепте жөндеу жұмыстары жүргізіліп, жабдықталады. Павлодар, Екібастұз және Ақсу қалаларының мектептерін жөндеу бойынша 17 жоба әзірленуде. Сондай-ақ жергілікті полиция қызметі үшін жабдықтар сатып алынады. Павлодар облысының әкімі Әбілқайыр Сқақов атап өткендей, бюджетті оңтайландыру қалыптасқан экономикалық жағдайда тәуекелдерді төмендетуі тиіс. – Біз жасалған шарттар мен қабылданған міндеттемелерге қарамастан, шұғыл және кепілді өнімді болып табылмайтын жобалар мен іс – шаралардан бас тартамыз, – деп хабарлады өңір басшысы. – Бүгін соңғы бірнеше күн ішінде өмірлік маңызға ие болып отырған міндеттер тез арада шешуді талап етеді. Бұл сақтаулы қор, азық-түлік қорын қалыптастыру, эпидемияға қарсы шаралар және су тасқынына қарсы іс-шаралар. Әбілқайыр Сқақов қала және аудан әкімдіктеріне де өз бюджеттерін қайта қарау тапсырылды деп мәлімдеді. Алдын ала есептеу бойынша, жергілікті жерлердегі оңтайландырудың көлемі 1 миллиард теңгеден кем болмайды. Бұл қаражат сондай-ақ халықтың өзекті және маңызды мәселелерін шешуге бағытталатын болады. Сообщение Павлодар облысы бюджетінің шығындары 3,6 миллиард теңгеге оңтайландырылды появились сначала на РЕСМИ САЙТЫ.
19.03.2020

Павлодар облысында жедел әрекет ету штабы аясында 18 мониторингтік топ жұмыс істейді

Мониторингтік топтар азық-түліктің бағасын, санитарлық-эпидемиологиялық жағдайды, шекара бекеттерінің жұмыс істеуін, ірі өнеркәсіптік кәсіпорындардың, қоғамдық көліктің жұмысын және т.б. қадағалайды. Павлодар облысының әкімі Әбілқайыр Сқақов бастаған аппарат кеңесінде өңірдегі жедел жағдай талқыланды. Бүгінде 44 мыңға жуық адам еңбек ететін өңірдің барлық 19 жүйе құраушы кәсіпорны штаттық режимде жұмыс істеп отыр. Облыс әкімшілігі төтенше жағдайға байланысты туындаған мәселелер бойынша, соның ішінде кәсіпорындардағы эпидемияға қарсы іс-шаралар және жұмыс орындарын қысқарту мүмкіндігін болдырмау бойынша өзара іс-қимыл жасау үшін әр компанияның басшылығымен тұрақты байланыста. Адамдардың жаппай жиналуын қарастыратын сауда-ойын-сауық орындары мен объектілер үшін енгізілген шектеулер шағын және орта бизнестің жұмысына әсер етті. Павлодар облысында бұл мәселе 25 СОО, 66 фитнес-орталықтар мен жаттығу залдары, 275 дәмхана мен мейрамханаларға қатысты болып отыр. – Қаржы шығыны басқа салалардан да шығып отыр – турагенттіктер, үйлену салондары, ивент-агенттіктер, – деп мәлімдеді облыс әкімінің орынбасары Сәкен Шаяхметов. – Қалалар мен аудандарда осы санаттағы барлық кәсіпкерлерге қолмен мониторинг жүргізу қажет. Біз келесі аптаның соңына қарай оларды қолдаудың нақты тетіктері пысықталатын болады деп күтеміз. Бірақ қазірдің өзінде біз ШОБ-ты онлайн-режимге көшіру үшін жұмыс істеп жатырмыз.  Дәмханалар тамақты, дәріханалар дәрі – дәрмектерді, дүкендер  бірінші кезектегі қажетті тауарларды тұрғындарға жеткізетін болады. Жедел деректер бойынша, Павлодар облысы толығымен азық-түлікпен қамтамасыз етілген. Өндірушілердің, сауда нысандарының мен тұрақтандыру қорының қоймаларында 74,6 мың тоннадан астам өнім бар. – Біз күн сайын баға мониторингін жүргіземіз, – деді облыс әкімінің орынбасары Алмас Батанов. – Әлеуметтік дүкендердің санын 196-дан 300-ге дейін арттыру жоспарлануда. Тұрақтандыру қорында 1,4 мың тоннадан астам тауар бар. Қосымша 777,1 миллион теңгеге 4,8 мың тоннадан астам өнім сатып алу жоспарлануда. Облыстық қазынаны оңтайландыруға келер болсақ, биылғы жылы бюджеттік шығындарды 1,5 миллиард теңгеге қысқарту жоспарланып отыр. Экономикалық тиімсіз жобалардан, сондай-ақ жиһаз мен көлікті сатып алудан, практикалық маңыздылықпен бекітілмеген имидждік іс-шараларды жүргізуден бас тарту көзделуде. – Жағдай күте алатын жобаларды кейінге қалдыруды талап етеді, – деді Әбілқайыр Сқақов.  – Біз жұмылдыратын барлық ресурстар өңірлік резервті толықтыруға, су тасқыны салдарынан болуы мүмкін төтенше жағдайларды шешуге, коронавирус бойынша эпидемияға қарсы іс-шараларға және азық-түлік қауіпсіздігін қамтамасыз етуге бағытталатын болады. Жедел әрекет ету штабы шеңберінде Павлодар облысында 18 мониторингтік топ жұмыс істейді. Олардың әрқайсысы өз бағыты үшін жауап береді: коронавирустық инфекцияның жағдайы, қоғамдық көлік жұмысы, ШОБ жұмысы, алдағы көктемгі егіс жұмыстары және т.б. Барлық мониторинг топтарына әкімнің орынбасарлары жетекшілік етеді, ал топтарды облыстық басқармалар мен департаменттердің басшылары басқарады. Әбілқайыр Сқақовтың айтуынша, бүгінгі таңда шетелден, сондай-ақ карантин басталған Нұр-Сұлтан мен Алматы қалаларынан көші-қон ағындарына үлкен көңіл бөлу қажет. Сондай-ақ аймақ басшысы әлеуметтік жәрдемақы мен атаулы әлеуметтік жәрдемді төлеу және білім беру жүйесінің жұмысы бойынша барлық мәселелерді қарастыруды тапсырды. Атап айтқанда, екінші тоқсанда АӘК және әлеуметтік жәрдемақы төлеу оларды алушылардың жұмыспен қамту орталығына келу қажеттілігінсіз ағымдағы көлемде автоматты түрде ұзартылатын болады.   Сообщение Павлодар облысында жедел әрекет ету штабы аясында 18 мониторингтік топ жұмыс істейді появились сначала на РЕСМИ САЙТЫ.
19.03.2020

Павлодардың эпидемияға қарсы іс-шараларға атсалысып жүрген медицина қызметкерлеріне сыйақы беріледі

Екі апта бойы күшейтілген режимде жұмыс істеген 500-ге жуық медицина қызметкері Наурыз мейрамына дейін сыйақы алатын болады. Еліміздің Президенті Қасым-Жомарт Тоқаев бүгінгі таңда эпидемиологиялық тәртіпті сақтауға атсалысып жүрген медицина қызметкерлерін материалдық түрде ынталандыруды тапсырды. Коронавирусқа қарсы өткізілетін іс-шараларға тікелей қатысып жүрген мамандарға сыйақы беру үшін облыс әкімдігінің резервінен 91,2 миллион теңгеден астам қаражат бөлінді. 490 медицина қызметкеріне сыйақы берілетін болды. Облыстық әкімдікте өткен аппараттық кеңес барысында өңір басшысы Әбілқайыр Сқақов медицина қызметкерлерінің еңбек жағдайына назар аударды. Ол жергілікті жерлерде медициналық қызметкерлерге барынша көмек көрсетуді, олардың қалыпты демалуына жағдай жасауды және олардың физикалық және психологиялық жағдайын бақылауды талап етті. Сообщение Павлодардың эпидемияға қарсы іс-шараларға атсалысып жүрген медицина қызметкерлеріне сыйақы беріледі появились сначала на РЕСМИ САЙТЫ.